Il-ġenn tal-mina bejn Malta u Għawdex reġa fl-aħbarijiet. Il-mina issemmiet minn kandidat ġdid Laburista, Mercieca, bi Chris Said jaqbeż malajr fuq il-karru u jikkummissjona rapport. Każ ta’ ‘big projectitis’ ta’ qabel l-elezzjoni. Kastelli fl-arja. Każ tal-PN u l-PL jisfurzaw ruħhom biex jiskurjaw il-punti u jwegħdu ċ-ċuċati.
Hawn hu r-rapport li deher fit-Times fuq l-internet: http://www.timesofmalta.com/articles/view/20111009/local/preliminary-report-on-malta-gozo-link-due-this-month.388417
La semmejt lil Mercieca (dak il-kirurgu li jrid jaqbeż il-kju tal-vapur t’Għawdex), illum Gonzi qal li dan Mercieca ‘iċċappas’ bil-politika. Tajba din! Minn kliem il-Prim Ministru stess kull min hu fil-politika ‘imċappas’ – mid-dehra tant għandu nies maħmuġin madwaru (jekk tiċappas b’xi ħaġa titħammeġ, mhux hekk?), u tant dara jara ‘ħmieġ’ li l-espressjoni ħarġitlu sħuna, sħuna: ‘imċappas’.
***
Artiklu li ktibt aktar kmieni dis-sena: https://ralphcassar.wordpress.com/2011/07/08/liliput-and-chris-said%e2%80%99s-tunnel%e2%80%a6/
Ralph Cassar 